Тақырыпқа қарап, кей жайдарман командаларының сахнадағы бар тірлігі деп ойлап қалуға, баға беруге болар еді, ә? Неткен символизм… Бірақ, бұл жолы айтайын дегенім ол емес.
Жайдарманшыларды сынай отыра, мен сахнаға шығудың жауапкершілігін және оның артында қаншама еңбек жатқанын түсінемін. Әзіл жанрының микрофонға аузыңды қимылдатып берсең жеткілікті болатын басқа өнер түрлерінен қиынырақ екенін де білемін. Дегенмен, ізденіс барда бірнеше минуттық өнер көрсету қиын болмауы тиіс. Шыршалар-таяқтар, әлемде қаншама тақырып бар, жанр бар, оқиға бар! Туындылар бар! Әлем — үлкен! Ендеше, не ләйліп отырсың?!

Әуен таңдай білу — әр адамның талғамына қарай. Жеңіл, сөздерді қамти алатын ән таңдау және оның мүмкіндігінше көпшілікке таныс болғаны жақсырақ. Мәселен, шетел туындыларынан — Эрик Клэптонның «Лэйласы». Шедевр.

Жайдарман — жайдары ойын, жақсы ойын. Маусымашарға барғалы да бірер айдың жүзі болды. Содан кейін Жоғары лиганың маусымын қадағалаймын дегенім енді өзіме жүк болды.
Осы уақыт ішінде әлдебір ерекше ештеңе бола қойған жоқ, аса бір мейірбандана қойған да жоқпын. Сондықтан, көзі қарақты демесек те, көзі кіржиген көрермен ретінде өткен ойындар жайлы өз ойыммен бөлісуді жалғастырамын.
Сөзсіз, бұл пікір жеке менің интеллектуалдық санама, әзіл түсіну қабілетіме және тәжірибеме негізделген. Бірақ, көптің бірі, пікір әртүрлі деп, жылы жаба салуға болатын жай емес. "Қырықтың бірі — Медиум Қыдыр" деген… Оның үстіне, менен өзге фундаменталдыға жуық шолу жасап жүрген пенде көргем жоқ, сондықтан күллі көрермен атынан жазылған мақала деп қабылдаңыз. Назар аударыңыз: көрермен, жанкүйер емес. Жанкүйерлерге, әдетте, объективтіліктің иісі мұрнына бармайды. Біз — ақиқаттың ақырғы Ақыртасы болмасақ та, бүйрегіміз ешкімге бұрып тұрған жоқ.

Жайдарман тақырыбына арналған бүгінгі екінші жазба маусымашардың екінші күнін (тікелей байланысты қарасайшы, а) қамтиды. Қатардағы көрермен ретінде, өзімнің алған сезімдерімді ортаға салуды жалғастырамын.
Залдан әзіл есту телеэфирден қарағандағыдан өтімділеу болып келеді екен. Өзінің бір аурасы бар, монтажсыз – шынайы, ішкі атмосфера. Көрермен де ризашыл, ілтипаттылау екенін ескеру керек, залдың біраз бөлігін жайдарманшылар (һәм олардың жанкүйерлері, достары) алып отырды. Өз ләззатымен ышқына күлген еркектерге қосылып, еріксіз жымияды екенсің. Екінші жағынан, бұл күнге жинақталған командалардың ішінде тәжірибелілеулері көптеу болған шығар.

Бұл күнгі гала-концерттің кей әзілдері есіме түспеуі мүмкін, дей тұрғанмен, ел алдына шығу құрметіне/жауапкершілігіне ие болған командаларды атамай кеткен де (қайбір риза дейсің бірақ, мұндай себеппен аталғандарына) болмас. Негізі, бұл күні көп командалардың есте қаларлық бір ерекшеліктері болды, саналы түрде өздері соған ұмтылған да шығар.

Әні-міні дегенше "Әдебиет маусымы" мәреге жетті. «Жайдарман» тағы бір жасқа есейді. 29 — қарашада Конгресс Холлда өткен ойында көрген де арманда, көрмеген де арманда. Негізі, Жайдарманның Жоғары Лигасының (бұдан әрі — ЖЛ) финалы ерекше, өзгеше болуы керек еді… Былтырғы жартылай финалда «Назар аудар» залды төңкеріп, алайда финалда…

Жоғары лиганың бірінші күнгі ойынында жүргізуші Есен ЕЛЕУКЕН «биылғы финалда тек үздік 4 (!) команда ғана ойнайтын болады» дегенде «ооу» десіп қалғамыз. Амал не, кейде Есен ЕЛЕУКЕННІҢ де дегені болмай қалатын кездер болады…

Әлқисса…
Былтыр, Жоғары Лиганың жартылай финалында Жастар Сарайында Оралдың «Назар аудар» атты командасы залды тұрғызып жіберген. Биылғы жартылай финал да осал болмады. Әлбетте, біз тек бірінші күн туралы айтып отырмыз…

Биылғы Жайдарман финалы 2 күн өтетін болды. Бұл туралы Мұнара сайтына «Қазақстан КВН Одағы» Президенті Есен Елеукен хабарлады.

Жоғары лига екі күнге бөлініп ойнайды. Басқа ойындардағыдай уақыт жағынан командаларды қысқымыз келмейді. «Жайдарман» бағдарламасына берілген трансляция уақыты тоқсан минуттан аспауы тиіс. Сондықтан екі күнге бөлуге тура келді. 29-қараша күні: «Сәлемдесу», «Бессайыс», «Бейнесайыс» және «Бір әуен аясында». 30 қараша күні «Еркін сайыс», «Ширату» және «Әуенді үй тапсырмасы».

29-30 қараша күндері Жоғары Лига финалына қатысатын командалар:
— ЖасНар (Алматы)
— Демеушіміз Болашақ (Астана)
— Назар аудар (Орал)
— Қорқыт құрамасы (Қызылорда)
— ҚазҰУ құрамасы (Алматы)

Ал Премьер Лига финалы 17 қарашада өтеді. Бір ерекшелігі бұл жолы үй тапсырмасына әр команда өз қойылымында Жоғары лигада ойнап жүрген танымал бір ойыншыны қосып ойнайды.

Финалға қатысушылар:
— Алғабасар (Жуалы)
— АЭСА (Алматы)
— Жастар (Аякөз)
— Тұңғыш Астана (Қызылорда
— ХҚТУ тарифы (Түркістан)
— Тереңөзек құрамасы (Қызылорда облысы)